É unha estrutura de pedra con forma de oso sobre unha base plana. Esta figura é un dos lugares máis fotografados de Camariñas e atrae a atención dos visitantes. Parte da súa fama actual débese a que no ano 2003 a pedra desapareceu misteriosamente da súa ubicación. Poucos días despois de que se alertara da subtracción, a figura foi localizada na Coruña, cidade ata a que fora transportada para empregala como ornamento dunha nova construción. A Pedra do Oso regresou a Reira sen unha das súas patas, aínda que o suceso axudou a poñer en valor este monumento natural.