Percorre a Costa Atlántica, praias virxes, zonas de aves protexidas e natureza impresionante.

Este itinerario, catalogado como Sendeiro Azul, de 19 quilómetros, está situado no concello de Camariñas (A Coruña). Comeza na parroquia de Camelle, exactamente no Museo de Manfred Gärdiner, coñecido como «Man, o alemán de Camelle», e remata no Castelo do Soberano de Camariñas. É un percorrido de dificultade media, xa que só presenta dous ascensos leves: o primeiro ata Monte Branco (200 m.) e o segundo ata o Cabo Vilán e o seu faro, no desvío sinalizado de 500 m. Foi inicialmente acondicionado e sinalizado polo Ministerio de Medio Ambiente, que tamén realizou os paneis informativos sobre praias, formacións xeomorfolóxicas e outros elementos de interese que aínda conserva esta ruta. Percorre toda a Costa Atlántica pola zona Rede Natura do municipio e as súas impresionantes paisaxes, praias virxes de areas brancas e finas, zonas de especial protección de aves, esculturas pétreas naturais, natureza e mar. É un percorrido lineal que conecta e coincide, dende Monte Branco ata Camariñas, coa ruta homologada pola Federación de Montañismo de Galicia PRG-158 «Costa da Morte».