Igrexas de Camariñas
Monumentos adicados á xente do mar e as súas tradicións, e capelas e igrexas onde recuperar a esperanza das vidas que leva o mar.
IGREXA PARROQUIAL DE PONTE DO PORTO
Edificio relixioso do século XX con arquitectura de nave única e cuberta a tres augas. Destaca polos seus retablos neoclásicos de alto valor artístico.
Construída a mediados do século XX, substitúe ao santuario de San Roque que se situaba no mesmo lugar, pero co acceso de entrada orientado cara á ponte. A súa arquitectura presenta unha planta de nave única e con cuberta a tres augas. No exterior destaca en volume e proporcións o campanario na parte central do edificio. Destaca na decoración interior os retablos maiores e da Virxe do Rosario, ambos de alto valor artístico e de estilo neoclásico, obras de Xosé Ferreiro e do seu taller. Tamén é de notable importancia o retablo da Virxe de Guadalupe e da Virxe do Carmen, que fan que esta igrexa sexa un punto de interese para rutas culturais de arte relixiosa.
IGREXA DE SAN XURXO
Edificación barroca do s. XVIII con bóveda de aresta e canón. Destacan os retablos neoclásicos e a decoración volumétrica da fachada.
IGREXA DE SANTA MARÍA DE XAVIÑA
Antiga igrexa románica do século XII con nave e ábsida únicas, destacando polo seu estilo galego e influencias de Praterías de Santiago.
IGREXA DE SANTA MARIÑA, SANTA MARIÑA DE TOSTO
Antigo mosteiro de San Bieito, reconstruído dúas veces, é un dos primeiros focos de cristianización.
IGREXA PARROQUIAL DE PONTE DO PORTO
Edificio relixioso do século XX con arquitectura de nave única e cuberta a tres augas. Destaca polos seus retablos neoclásicos de alto valor artístico.
CAPELA DO VIRXE DO CARME
Pequena capela mariñeira fronte ao porto, de estilo barroco do s. XVIII. Celebrase a festa do Carme o 16 de xullo cunha procesión marítima ata Muxía.
ERMIDA DA VIRXE DO MONTE
Do s. XVIII acolle a romaría do Luns de Pascua, onde se honra a unha virxe mariña cunha procesión e rituais tradicionais.
CAMPANARIO DA PONTE DO PORTO
Espadana da antiga parroquia atopada preto do cemiterio, único elemento conservado dun templo barroco do s. XVIII.
ESTATUA DA VIRXE DO CARME
En honor a patroa dos mariñeiros, esta estatua está situada no paseo marítimo de Camariñas, vila mariñeira por excelencia.
CATAVENTO DE CAMELLE
Obra de José María Kaidea, situada ao final do paseo marítimo, ofrece unha impresionante vista panorámica do lugar.
MONUMENTO A MOSTRA DO ENCAIXE
As letras de pedra formando o nome de Camariñas renden homenaxe á Mostra do Encaixe, que se celebra cada Semana Santa desde 1990.
MONUMENTO Á PALILLEIRA
Unha estatua na praza de Insuela honra ás mulleres que elaboran a famosa artesanía do encaixe de palillos.
MONUMENTO ÁS COMPAÑÍAS DE SALVAMENTO E AOS NÁUFRAGOS
Unha áncora no paseo marítimo honra ás compañías de salvamento de Camelle e ás vítimas do mar.
ESTATUA DA DANZA DE ARCOS
Homenaxe cunha estatua á tradicional "Danza de Arcos", danza mariñeira celebrada os días 16 e 17 de xullo, con máis de cen anos de historia.
ESTATUA DA MULLER
Monumento premiado pola FEMP situado diante da Casa de Pedra, recoñecendo o labor para mellorar a vida das mulleres e promover o encaixe de palillos.
ESTATUA HOMENAXE OS MARIÑEIROS
En honra aos mariñeiros.
POSTE DOS IRMANDAMENTOS
Un poste preto da Estatua da Muller mostra a irmandade con municipios de Canarias, Italia, Portugal, Francia e Suiza.
FOXO DOS LOBOS
Construción tradicional do s. XVI para cazar lobos, única na Coruña, emprega a costa como barreira natural, situada preto das praias de Reira.
CANÓNS DO CASTELO
Antigos canóns de defensa portuaria, hoxe restaurados, decoran os xardíns do paseo marítimo.
RUÍNAS DO CASTELO DO SOBERANO
Antiga fortaleza defensiva do século XVIII, construída para protexer a costa de ataques piratas, con muralla e troneiras. Desmantelada tras a Guerra Civil.
MÁMOA DE REIRA
É un sepulcro megalítico cuberto por un túmulo, situado enfronte das praias do mesmo nome, de fácil acceso.
PONTE DA PONTE DO PORTO
Construción medieval do século XIII cun total de catro arcos que unen as beiras dun río grande.